پاکستان میں پٹرول 9 روپے فی لیٹر سستا ہو گیا

 

اسلام آباد( عروج ٹائمز)پیٹرول 9روپےفی لیٹرسستا ہوگیا، ہائی سپیڈڈیزل کی قیمت میں 7روپے فی لیٹرکمی کی گئی ہے، نئی قیمتیں بالترتیب 253 اور 253روپے 50 پیسے ہوگئیں۔وزیرخزانہ اسحاق ڈار نے کہاہے کہ پیٹرولیم ڈویلپمنٹ لیوی میں مزید کوئی تبدیلی نہیں کررہے ۔وزیر خزانہ نے پیٹرولیم مصنوعات کی قیمتوں میں کمی کا اعلان کر دیا۔ اسحاق ڈار نے اپنے ویڈیو بیان میں آئندہ 15 روز کے لیے پیٹرولیم مصنوعات کی نئی قیمتوں کا اعلان کیا، قیمتوں میں کمی کا اطلاق آج سے ہی  ہوگیا ہے۔انہوں نے بتایا کہ 16 جولائی سے 31 جولائی تک کی پیٹرولیم مصنوعات کی قیمتوں میں ردوبدل کرنا واجب تھا۔