شاہ رخ کی نئی فلم جوان کا آفیشل پوسٹر جاری کر دیا گیا

 

ویب ڈیسک: بالی ووڈ کے کنگ شاہ رُخ خان کی نئی آنے والی فلم "جوان"کا ٹریلر کے بعد اب پوسٹر بھی جاری کر دیا گیا۔

شاہ رُخ نے سماجی رابطے کی ویب سائٹ ٹوئٹر پر اپنے فینز کے ساتھ فلم جوان سے متعلق (AskSRK) سوال جواب کا سیشن رکھا جس میں انہوں نے اپنے مداحوں کے مختلف سوالات کے دلچسپ جواب دیئے
ایک صارف نے کنگ خان سے پوچھا کہ آپ اپنی فلم جوان کا پوسٹر کب تک ریلیز کریں گے؟

جس کے جواب میں شاہ رُخ خان نے کہا کہ وہ سوال جواب کے اس سیشن کے بعد پوسٹر بھی جاری کر دیں گے۔

شاہ رُخ خان کے مداح ان کے اس اعلان کو مزاق سمجھے تاہم کنگ خان(IamSRK) نے سوال جواب کے سیشن ختم ہونے کے فورا بعد جوان کا آفیشل مووی پوسٹر ٹوئٹ کر دیا جس پر مداحوں نے بےحد خوشی کا اظہار کیا۔اور کنگ خان کے اس ردعمل کو ریٹویٹ کرکے بہت سراہا۔

یاد رہے کہ کنگ خان کی اس فلم کو 7ستمبر 2023 میں ریلیز کیا جائے گا۔اس فلم کا کل بجٹ 220 سے 250 کروڑ انڈین روپے ہے ۔جس کے پروڈیوسر کنگ خان اور ولی خان ہیں۔اس فلم کے اہم کرداروں میں کنگ خان،سنجےدت،وجے،پریا مانی،یوگی بابو،ریاض خان وغیرہ شامل ہیں۔ اس فلم کو چند ماہ بعد ہی ریلیز کیا جائے گا۔